Fréttir‎ > ‎

Griðungar eru Íslandsmeistarar

posted Sep 21, 2010, 6:03 AM by Friðgeir Ásgeirsson
Griðungar sigruðu á fyrsta Íslandsmótinu í andspyrnu. Sigruðu þeir Gammana í hreinum úrslitaleik sem fram fór í dag.

Andspyrna er íslenska heitið á ástralskri knattspyrnu sem er ný íþrótt hér á landi. Leikurinn er einhvers staðar á milli hefðbundinnar knattspyrnu og ruðnings. Gengur leikurinn út á það að skora mörk en til þess þurfa leikmenn að yfirstíga meiri hindranir en í knattspyrnu. 

Um fimmtíu stunda íþróttina hér á landi og kjarninn er í þremur liðum, að sögn Friðgeirs Torfa Ásgeirssonar, fyrirliða Gammanna og landsliðsins. 

Gammarnir höfðu forystu í Fosters-mótinu en Griðungar náðu þeim að stigum með sigrinum í dag en markahlutfall var Griðungum hagstæðari. Þeir hömpuðu því Íslandsbikarnum.

Comments